Tensionet tejkalojnë nivelin – raportohen shpërthime pranë ambasadës amerikane në Bagdad

21:34 | 5 Janar 2020
Arbresh Info

Shpërthime të shumta janë dëgjuar pranë ambasadës amerikane në Bagdad, pasi tre raketa kanë goditur këtë zonë.

Sipas mediave të huaja, përcjell Telegrafi, raketat besohet të kenë huqur cakun, me raportet lokale që sugjerojnë se ato goditën një kompleks apartamentesh, duke vrarë civilë.

Kjo thuhet të jetë nata e dytë me radhë që ambasada është sulmuar dhe vjen pas vrasjes së gjeneralit iranian Qassem Soleimani nga SHBA-ja.

Banorët e kryeqytetit të Irakut në Bagdad thonë se tri shpërthime u dëgjuan brenda Zonës së Gjelbër të fortifikuar fort, ku gjendet shtëpia e ambasadës amerikane dhe selia e qeverisë së Irakut.

Gjithashtu bëhet e ditur se sirena të alarmit u dëgjuan të dielën në zonën në bregun perëndimor të lumit Tigris. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm